BEHRUZ SƏDİQDƏN BİR QƏZƏL

A Ğ R I

Ağrı ağzında yem olmaqdadı bağrım, mələyim,
Qıyma mən bir quzu tək çöldə çobansız mələyim.

Ağlayış əlləri atmış məni dərd təndirinə,
Göz yaşından mənə ver göz bəbəyim, göz bəbəyim.

İtmişəm orman ara, ah, canavar qorxusu var,
Gəl ki varlıq diləyin ürkək ürəkdə bələyim.

Heç mənim ağlıma sığmazdı gözəl gülşən ara,
Yaşların qanlı əlində belə dərd ilmələyim.

Şığıyıb ildırımın boz səsi vursa ağacı,
Mən ağaclıq başı üstə gərəyimdir əl əyim.

Hayla sən, hayla məni, ey dəlisoy arzularım,
Kim günəşlər bulağın qanlı gözümlə çiləyim.


Qaynaq (ərəb əlifbasında): http://tonqal.blogfa.com/post-87.aspx


0 Şərh

    Haqqımda

    My Photo
    Məsiağa Məhəmmədi
    Tam profilimə bax
    ۞ Yazılardan istifadə
    zamanı müəllif və qaynaq
    mütləq göstərilməlidir.

    Sayğac



    Page Ranking Tool

    Ədəbiyyat saytları

    Azərbaycan ədəbiyyatı

    İzləyicilər